Çĕмĕрлере çулленех сывлăх енчен хавшаккисем — патакпа, коляскăпа çÿрекенсем — хушшинче дартс енĕпе ăмăрту иртет. Тутар Сăкăтĕнче пурăнакан Айрат Насибуллов унта яланах хутшăнать, лайăх кăтартусем тăвать. Шел пулин те, спортăн çак тĕсне ытларах алла илме ăна хатĕр çукки йывăрлăх кăларатчĕ. Кун пирки Анат Туçари Леонид Кузнецов индивидуаллă предпринимателе пĕлтертĕмĕр. Леонид Валерьевич кăмăлтанах профессионаллă дартс парнелерĕ. Ентеш малашне ăмăртусенче çитĕнÿ хыççăн çитĕнÿ тăвасса шанса тăратпăр.

Геннадий МИХЕЕВ,

сусăр çынсен округри обществин председателĕ.