ТУРХАНТИ врач амбулаторийĕн тухтăрĕ Анатолий Кольцов çынсене сипленипе пĕрлех Украинăри ятарлă çар операцине хутшăнакансене те пулăшма май тупать. Турхан территори пайĕнче пурăнакансем хÿтĕлев сеткисем çыхнипе пĕрлех çулла милĕксем хатĕрлеççĕ, кĕркунне пахча çимĕç пуçтараççĕ. Иртнĕ çул та шăп çак вăхăтра Анатолий Валентинович пуçарнипе çĕр улми, кишĕр, сухан, ыхра пухнăччĕ. Ырă йăлана кăçал та малалла тăсаççĕ. Çынсем ăшă кăмăлпа салтаксем валли кĕр пуянлăхне параççĕ, неонацистсемпе кĕрешекенсене çĕнтерÿпе кĕтнине палăртаççĕ.