ПРАВОСЛАВИ тĕнне ĕненекенсемшĕн Çĕнĕ çулăн малтанхи кунĕсем уявсемпе пуян. Раштавпа Сурхури уявĕсем хыçа юлчĕç.

Умра- Иисус Христоса Иордан кỹллинче шыва кĕртнĕ пысăк праçник - Кăшарни уявĕ. Юлашки çулсенче пирĕн районта та çак куна кĕтсе ял тăрăхĕсенче ятарласа ваксем касассĕ, вĕсене сăвапланă хыççăн Турра ĕненекенсем унта шыва кĕреççĕ, чунĕсене усал шухăшран, ырă мар йăла-йĕркерен тасатаççĕ. Иртнĕ çул районта çынсем 11 вакра шыва кĕчĕç. Район администрацийĕн ятарлă программăсен пайĕнчен пĕлтернĕ тăрăх кăçал та вĕсем унтан кая пулмĕç. Çак кунхине инкек-синкекре пулăшу паракан ятарлă службăсем праçнике пăтăрмахсăр ирттерсе яма хатĕр. Кăшарнинче пысăк чăтăмлăхпа вăй-хăват çитерсе виçĕ хутчен шыва чăмса тухас текенсен вара хăйсене паянах хатĕрлемелле. Ун пек чухне кашни кун темиçешер минут сивĕ юр çине тăма хăнăхни те пулăшать-мĕн.