ИЮЛĔН 1-мĕшĕнче çулсеренех Раççейре çар тивĕçне вăрçă кĕрленĕ çĕршывсенче пурнăçланă ветерансен кунне паллă тăваççĕ. Ун пек салтаксем Сăкăтра та сахал мар. Чечняра, Афганистанра е ытти хĕрỹ точкăсенче службăра пулнисем, вĕсен çывăх тăванĕсемпе ял-йыш шăпах çак кун монумент умне митинга пуçтарăннă. Мирлĕ вăхăтра вăрçă çарĕнче пулнă 20 салтак-ветерана Патăрьел тата Шăмăршă районĕсен çар комиссарĕ Евгений Семенов çар комиссариачĕн Хисеп грамотине парса чыс тунă. Мероприятие пуçтарăннисене, ветерансене ял тăрăх пуçлăхĕ Леонид Чернов тата интернационалист-салтаксен председателĕ Олег Муллин тăнăç та лăпкă пурнăç, çемьесенче килĕшỹ суннă. Çак паллă куна спорт мероприятийĕсем, культура ĕçченĕсен савăк юррисем тата ытларах пуянлатнă.