ÇАК кунсенче Чулхулари Н. Лобачевский ячĕллĕ патшалăх университетĕнче студентсем хушшинче Раççейри "Цифровой прорыв" конкурсăн регион шайĕнчи тапхăрĕ иртнĕ. "Россия - страна возможностей" проектпа тупăшăва 27 команда хутшăннă, вĕсем мультидисциплинарлă меслетпе пĕр чарăнмасăр 36 сехет тупăшнă. Форум итогĕпе И. Н. Ульянов ячĕллĕ Чăваш патшалăх университечĕн прикладной математика, физика тата информаци технологийĕн факультечĕн 4 курс студенчĕсем "Образование и наука" номинацире çĕнтернĕ. Командăна хỹтĕлекенсем хушшинче пирĕн ентешсем - Пăлапуç Пашьел каччисем Николай Александровпа Вадим Ваньков - пулнă. Студентсем иккĕшĕ те вăтам шкултан ылтăн медальпе вĕренсе тухнă.