2019 çулхи июлĕн 31-мĕшĕнче Кзыл-Чишмара коммерципе çыхăнман хăй тытăмлă «Вĕрентÿ центрĕ «Сэлэт-Батыр» организаци йĕркелеме йышăннă. Килĕшĕве Патăрьел район администрацийĕн пуçлăхĕ Рудольф Селиванов тата Тутар Республикин ăслăлăх академийĕсен академикĕ, техника ăслăлĕхĕсен докторĕ, Тутарстанри çамрăксен «Сэлэт» общество фончĕн генеральнăй директорĕ, Кзыл-Чишмара çуралса ÿснĕ Джавдет Сулейманов алă пусса çирĕплетнĕ.

Малашне çак организаци ачасене хушма пĕлÿ парас тĕллевпе предмет олимпиадисем, спорт ăмăртăвĕсем, форумсемпе фестивальсем, пултарулăх каçĕсем тата ытти тĕрлĕ мероприяти йĕркелес тĕлĕшпе тимлĕ.

А. Иванов