Районти суд приставĕн сотрудникĕсем "Ачана шкула кайма хатĕрле" акцие хутшăнса çулсеренех хăйсен ачисемшĕн сĕмсĕррĕн алимент тỹлессинчен пăрăнса çỹрекенсенчен ăна шыраса илеççĕ. Патăрьел тата Шăмăршă районĕсен суд приставĕн начальникĕ, аслă суд приставĕ Галина Афки хаçат редакцине пĕлтернĕ тăрăх хальхинче те вĕренỹ çулĕ пуçланиччен 513 пин тенкĕ алимент укçине шыраса илсе çемьесен счечĕ çине куçарса панă. Унсăр пуçне акци вăхăтĕнчех РФ УКăн 5. 35 статйин 1 пайĕпе килĕшỹллĕн виçĕ, пурлăха арестлесси пирки тăватă протокол çырнă, пĕр уголовлă ĕç пуçарнă.