Суд сакки çине ларакансем хушшинче кун пек тĕслĕх час-часах пулать. Хальхинче те çак çынсем пирки РФ УКăн 158 статйин 2 пайĕнчи "а" пункчĕпе уголовлă ĕç пуçарнă, суд йышăнăвĕпе пилĕкшер пин тенкĕ штраф панă.

Çаксем пĕр кунхине калаçса татăлнă хыççăн район центрĕнчи пĕчĕкех мар магазинтан çур литр шурă эрех, хаклă йышши пĕр банка кофе, плиткăлла тăватă шăккалат сумккăна хурса йăтса тухнă, кассăран иртсе кайнă хыççăн йĕп пек çухалнă. Анчах вăхăтлăха çеç. Йĕрке хуралĕн сотрудникĕсем "кукăр алăсене" çийĕнчех ярса тытнă. Вăрланă çимĕçсемшĕн вĕсен судра питне аванах хĕретме тивнĕ.