Пурнăç пăрнăçĕнчи улшăнусемпе усă курса мошенниксем мĕн кăна шутласа кăлармаççĕ-ши! Кун пирки вулакансене вĕсен серепине ан çакланччăр тесе час-часах асăрхаттарса тăратпăр-ха. Халĕ, акă тата аслă çулхи пĕччен хусахсене ватлăхра киленсе пурăнма мăшăр тупса паракансем пĕлтерỹ çине пĕлтерỹ çыраççĕ иккен. Ултавçăн "вăлтине" çакланакансем те тупăнаççĕ. Ун пек тĕслĕхсем пирки республикăри МИХ хатĕрĕсенче те çырчĕç. Пĕччен пурăнакан пĕр кинемей сăмах улăштарма "чун варлине" тупас тесе пĕлтерỹ çинчи телефонпа шăнкăравланă та счетра упранакан 60 пин тенкисĕр тăрса юлнă. Ун хыççăн савни те тупăнман, пĕлтерỹ параканни те куçран çухалнă...