Чăваш Енре сентябрĕн 5-мĕшĕнче оперативлă службăсене васкавлă чĕнмелли тытăм ĕçлесе кайнă. Унччен вăл тест режимĕнче çеç пулнă. Унта «112» номерпе шăнкăравламалла. Шăнкăрав кирек мĕнле телефонран та каять: стационарлинчен те, мобильникрен те. Çавăн пекех счет çинче укçа çук пулсан та, СИМ-карта лартмасан та. Ку – тÿлевсĕр.

Шăнкăрав çитсен операторсем хăйсемех ыйтăва профильлĕ службăсене ярĕç. Вĕсем шăнкăравлакан çыннăн телефон номерне, унăн даннăйĕсене, абонент ăçтине палăртаççĕ. Çапла майпа çынна пулăшу парас ĕç хăвăртланать. Чăваш Енре шăнкăравсене йышăнма ятарлă центр йĕркеленĕ. Специалистсем кунне 15-17 пин шăнкăрав йышăнаççĕ.

А. Ильин.