ЧАС-ЧАСАХ çынсен чунĕсем хытнине, кăмăлĕсем улшăннине калаççĕ. Анчах та пурнăçри тĕслĕхсем пур пĕрех çĕр çинче ырă этемсем нумайраххине çирĕплетеççĕ.

Нумай пулмасть редакцие Патăрьелĕнче пурăнакан С. Шадиряков шăнкăравларĕ. Хăйĕн савăнăçне хаçат вулакансемпе пайлас килнине пĕлтерчĕ. Сергей Павлович лавккара укçа енчĕкне ỹкерсе хăварнă. Çакна вăл килне çитсен тин асăрханă. Пăшăрхана-пăшăрхана шырама пуçланă. Кăшт вăхăт иртсенех Г. Пыркин çитнĕ, хуçине çухалнă япалине тавăрса панă. Çакăн хыççăн усал çынсем нумайрах тесе епле калăн?