"Симĕс Раççей" обществăлла юхăмăн экологи субботникне сентябрĕн 6-29-мĕшĕсенче ирттерме палăртнă. Çак тапхăрта çĕршыв хỹтĕлевçисене асра тытса 27 миллион йывăç лартма тĕллев тытнă. Çавна май Тăван çĕршывăн Аслă вăрçинче Çĕнтерỹ тунăранпа 75 çул çитнине халалланă Пĕтĕм тĕнчери "Çĕнтерỹ вăрманĕ" акцие Патăрьел тата Шăмăршă районĕсенчи çар комиссариачĕн ĕçченĕсем те кăмăлтан хутшăнчĕç. Вĕсем хăйсем ĕçлекен çурт умне чие тата слива хунавĕсене лартрĕç. Çак ĕçе шкулсенче вĕренекен çамрăк армеецсене те явăçтарчĕç.