ПАЯН районти кашни ял тăрăхĕнчех вырăнти хăй тытăмлăх органĕпе тачă çыхăнса ĕçлекен обществăлла хастарсем - старостăсем - пур. Юлашки вăхăтра ялсенче "халăх тарçисен" пуçарăвĕпе пархатарлă ĕçсем туни савăнтарать. Акă, Тутар Сăкăтĕнче 34-мĕш прихут таврашĕнче пурăнакансем умлă-хыçлă икĕ кун Молодежная тата Центральная урамсем хĕресленнĕ вырăнта, кивĕ масар территоринче тата ун çывăхĕнчи кỹлĕ йĕри-тавра тирпей-илем кĕртес тĕлĕшпе тимленĕ. Загит Салихов староста йĕркеленĕ ĕçе аксакалсем те, вăйпитти те, çамрăксем те хутшăннă.