Писатель, СССР Писателĕсен союзĕн членĕ, Чăваш Республикин культурăн тава тивĕçлĕ ĕçченĕ Николай Константинович Кушманов (Алеметкин) (06.11.1949) 70 çул каялла Турханта çуралнă.

Н. Кушманов - И. Н. Ульянов ячĕллĕ Чăваш патшалăх университечĕн выпускникĕ. "Коммунизм ялавĕ" (халĕ "Хыпар") хаçатра, Чăваш кĕнеке издательствинче ĕçленĕ, "Калем" издательство директорĕн заместителĕ пулнă.

Литература ĕçĕпе 1970 çулсенче ĕçлеме пикеннĕ: "Кун-çул ытамĕнче" ("В объятиях жизни"), "Тăван ен кĕввисем" ("Мелодии родного края"), "Çул пуçламăшĕ" ("Начало пути"), "Кокель", "Уйрăлу" ("Разлука") кĕнекисем кун çути курнă. Юлашки çулсенче тĕн литературине чăвашла куçарас енĕпе тимлет. . .