ÇУЛ çинчи аварисенче ăнсăртран инкек куракан, ĕмĕрлĕх пурнăçран уйрăлакан сахал мар. Районти ГИБДД уйрăмĕн начальникĕн тивĕçне вăхăтлăх пурнăçласа пыракан Д. Кудряшов пĕлтернĕ тăрăх, кăçалхи вунă уйăхра çеç Патăрьел тата Шăмăршă районĕсенче çул-йĕр çинче пулнă 33 аварие шута илнĕ, вĕсенче 12ĕн вилнĕ, 55-шĕ аманнă.

Иртнĕ высарникун, ноябрĕн 17-мĕшĕнче, аваринче вилнĕ юлташăмăрсене асăнмалли, асра тытмалли кун пулчĕ. Çавна май Улатăрпа Пăрачкав епархийĕн III округ благочиннăйĕ- Туçари Çветтуй Троица ячĕллĕ чиркỹ настоятелĕ Николай Марков протоиерей, Тăрăн тата Первомайски чиркĕвĕсен пачăшкисем патшалăх çул-йĕр инспекцийĕн районти уйрăмĕн представителĕсемпе пĕрле тăтăшах авари пулакан вырăна -Тăрăнпа Кĕçĕн Патăрьел ялĕсем вĕçĕнчи хĕресленнĕ çула - сăвапланă, аваринче вилнĕ юлташсене асăнса кĕлĕ вуланă. Ыран, ноябрĕн 23-мĕшĕнче, районта "Ỹсĕр водитель" операци иртет. Çул çинче пурте тимлĕ пулăр.