ВУТ-КĂВАР инкекĕ чылай чухне çынсем асăрханса çитейменрен, тимлĕхе çухатнăран сиксе тухать. Ноябрь уйăхĕнче районта шута илнĕ пушарсен сăлтавĕ те кил хуçисенченех килнĕ. Районти пушар надзорĕнчен пĕлтернĕ тăрăх, Анат Туçари пушарăн сăлтавĕ кил хуçисем йăтăнса аннă (вăкăрĕ сĕтĕрсе антарнă) электропроводкăна вăхăтра тирпейлесе хуманни, Хирти Пикшикре вара кил хуçи хăй больницăна кайнине пăхмасăрах килте ăшă паракан электроприбора çутса хăварнă. Юрать-ха, икĕ тĕслĕхĕнче те инкек пысăк çухатупа, тăкакпа çыхăнман.