Раççей Пенси фончĕ Ростелеком пĕрлешỹпе пĕрле видеоконференци ирттерчĕ. Вĕрентỹ семинарĕнче "Интернет Азбуки" программа никĕсĕ çинче пенсионерсене компьютерпа ĕçлеме вĕрентмелли курссене мĕнле йĕркелес ыйтăва тишкерчĕç.

Семинара Раççей Пенси фончĕн, регионти "Ростелеком" пĕрлешĕвĕн, çак сферăсенчи министерствăсемпе ведомствăсен, социаллă учрежденисен представителĕсем, хаçат ĕçченĕсем хутшăнчĕç.

Видеоканашлăва пирĕн районтан Пенси фончĕн управленийĕн начальникĕн çумĕ И. Кузнецова, халăха социаллă пулăшупа тивĕçтерекен центрăн консультаци уйрăмĕн специалисчĕ О. Думилина хутшăнчĕç.

Олимпиада Васильевна каланă тăрăх, районта 7 çынна компьютера алла илме пулăшнă. Вĕсем халĕ Пенси фончĕн сайтне, больницăн электронлă регистратурине çăмăллăнах кĕреççĕ-мĕн. Патшалăх тивĕçтерĕвĕсене пĕлеççĕ. Скайппа ачисемпе, мăнукĕсемпе калаçаяççĕ. Онлайн мелĕпе коммуналлă çăмăллăхсемшĕн татăлаяççĕ тата ытти те.

Вĕренĕве тỹлевсĕр йĕркелеççĕ. Пулăшу кирлисен çак ыйтупа районти халăха социаллă пулăшупа тивĕçтерекен центра çеç пымалла.

(Хамăр корр.).