Ĕç тăвакан власть органĕсен кăтартăвĕсемпе Чăваш Ен чи ăнăçлă ĕçлекен 20 регион йышне кĕнĕ. Çакăншăн республикăна федераци бюджетĕнчен  958 миллион та 686 пин тенкĕ укçа тивĕçнĕ. Пĕтĕмлетÿ рейтингĕнче 1-мĕш вырăнтан пуçласа 50-мĕш вырăна тухнисем хушшинче 45 млрд тенкĕ пайланă. Чăваш Ен 17-мĕш вырăн йышăннă. Регионсене 15 енпе хакланă. Халăх валли пысăк технологиллĕ ĕç вырăнĕсем хатĕрленине, пĕчĕк тата вăтам предпринимательлĕх пайĕ вăй илсе пынине, çынсене çурт-йĕрпе тивĕçтернине, экологи, вĕрентÿ тата ытти тытăмри çитĕнÿсене тĕпе хунă. Çавăн пекех халăх республика Ертÿçине шаннине те шута илнĕ.

А.Иванов