ПАЯН урамра декабрь уйăхĕ хăйĕн сиввипе пит-куçа чĕпĕтмелле чухне çурт тăррисенчен тумла юхать, çул çинче шыв кỹленет, ыйха путнă йывăçсем папка çурма хатĕрленеççĕ... Çанталăка сăнакансем те çывăх вăхăтра раштав хăй "рольне" кĕрессе шантармаççĕ-ха. Кун пекех пулсан Хĕл Мучие кăсăклах пулĕ-ши пирĕн патра? Çапах апла е капла вăл Юхмапа Пăла тăрăхне çитмесĕр юлмĕ. Çавăнпа та кăмăла çĕклес туйăмпа çуртсен, кантурсен умĕсене йăлтăр-ялтăр çутăпа ăсталаса капăрлатма, "Çĕнĕ çулхи мозаика" конкурса хатĕрленме ан манăр!