Декабрĕн 19-мĕшĕнче Мускаври Пĕтĕм тĕнчери суту-илỹ центрĕнче Раççей Президенчĕ Владимир Путин йăлана кĕнĕ анлă пресс-конференци ирттернĕ. Çулсеренех пулакан мероприятие кăçал Пĕрремĕш канал, "Раççей 1", "Раççей 24", ОРТ телеканалсем тата "Маяк", "Вести FM", "Радио России" тỹрремĕнех трансляциленĕ. Пресс-конференцие хутшăнма Раççейри тата ют çĕршывсенчи массăллă информаци хатĕрĕсен представителĕсем, пурĕ 1895 çын, аккредитациленнĕ. Çулталăка пĕтĕмлетесси, çĕршывăн социаллă пурнăçĕпе экономика аталанăвне тишкересси, малашлăх плансене палăртасси, коррупцие хирĕç кĕрешесси, вĕрентỹпе медицина аталанăвĕ, регионсенчи чăрмавсем, наука тытăмне пулăшасси, çĕршывсен хушшинчи политика... - пресс-конференцин тĕп ыйтăвĕсен йышĕнче пулнă.

А. ИВАНОВ.