Чăваш Республикин Правительство çуртĕн-че хăйсен ĕçĕ-хĕлĕпе пысăк сума тивĕçнисене, нумай ача çуратса ура çине тăратнă ашшĕ-амăшне чысланă. Патшалăх наградисене тивĕçнисем хушшинче пирĕн ентешсем те пур. Чăваш Республикин Пуçлăхĕ Михаил Игнатьев Раççей Федерацийĕн Президенчĕн указĕпе килĕшỹл-лĕн кăткăс условисенче çынсене çăлнă чухне паттăрлăх, хăюлăхпа хастарлăх кăтартнăшăн Тури Чакăра пурăнакан Надеж- да Егоровна Мулгачевăна "Вилекенсене çăлнăшăн" медале, строительство енĕпе тава тивĕçлĕ ĕçсемшĕн тата нумай çул тỹрĕ кăмăлпа вăй хунăшăн тулли мар яваплă "Булат" пĕрлешĕвĕн директорне Ринат Абдулахатович Абдулвалеева "Чăваш Республикин тава тивĕçлĕ строителĕ" хисеплĕ ята тивĕçнипе саламланă.

А. ИВАНОВ