ЮХМАПА Пăла тăрăхĕнче тĕрлĕ автомашина шучĕ çулсерен ỹссе пырать. Çемьере темиçе техника тытакан та йышлă. Паян çул çинчи куçăм çав тери пысăк. Тепĕр чухне ирсерен район центрĕнчи аслă çул урлă каçма та çук, вĕçсĕр-хĕрсĕр автомашина шăвать. Çак пулăм ытлă-çитлĕ пурăннине сăнласа парать пулин те руль умне лараканăн техникăна яланах юсавлă тытасси, вăхăтран вăхăта тĕрĕслев кăларасси пирки те манма юрамасть. Акă, иртнĕ çул районта шута илнĕ пушарсен 7 проценчĕ шăпах автотранспортпа çыхăннă. Урăхла каласан, унăн пĕчĕк кăлтăкне пысăка хуманран çул çинчех вĕсене вут хыпса илнĕ.