ÇАК кунсенче Тăван çĕршыв хỹтĕлевçин кунне халалласа шалти ĕçсен министерствин сайтĕнче ятарлă акци пуçланнă. Тĕп тĕллев - çитĕнекен çамрăк ăрăва çар служби, салтаксен, полици сотрудникĕсен паттăрла ĕçĕсем, тивĕçлĕ наградисем пирки каласа парасси. Унта полици сотрудникĕсем, вĕсен ветеранĕсем хутшăнма пултараççĕ. ШĔМĕн официаллă аккаунтне сăн ỹкерчĕкпех вырнаçтарма тивĕçлĕ йĕрке хуралĕн сотрудникĕсем Юхмапа Пăла тăрăхĕнче те çук мар. Çавăнпа та çывăх вăхăтра служба тивĕçне çỹллĕ шайра пурнăçланă полици сотрудникĕсем пирки вуласа пĕлме район çыннисене те кăмăллă пулĕ.