КĂÇАЛХИ çанталăк условийĕсем сăвăрсене те вăрах вăхăт хушши çывăрса выртма май памарĕç. Сăнанă тăрăх, вĕсем мартăн 18- 30-мĕшĕсенче çеç йăвисенчен тухнине калатчĕç. Кăçал вара "Присурский" заповедникăн Патăрьелĕнчи участокĕнчи аслă наука сотрудникĕ Миназым Рахматуллин сăвăрсем чăн малтан Хĕрарăмсен уявĕ умĕнех, мартăн 7-мĕшĕнче, пуçĕсене шăтăкран кăларса пăхнине çирĕплетет. Икккĕмĕш хут çакна мартăн 9-мĕшĕнче сăнанă иккен. Вăрăм ыйхăран вăраннă "туссем" ай сарăмне улăштарма пĕлтĕрхи типĕ курăка, хăрăк-турата пĕчĕккĕн сĕтĕреççĕ. Урăхла каласан, сăвăрсем çуркуннехи хăйсен ĕçне пикеннĕ.