Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев хушăвĕпе килĕшÿллĕн 2020 çулхи мартăн 18-мĕшĕнчен республикăра коронавирус инфекцийĕнчен асăрханас тĕллевпе ятарлă лару-тăру йĕркине çирĕплетнĕ.

Чир-чĕр тĕнчипе анлă сарăлнăран çĕршывра унпа кĕрешес  тата çынсене хÿтĕлес тĕллевпе нумай ĕç туса ирттереççĕ.

Калăпăшлă тата халăх нумай пухăнакан мероприятисене ирттерме чарнă. Вĕренÿ организацийĕсене дистанци мелĕпе вĕрентме сĕнеççĕ. Медицина учрежденийĕсене пахалăхлă пулăшупа тивĕçтерме хушнă.

А. Иванов