ЮЛАШКИ вăхăтра районта шута илнĕ пушарсенчен мунчапа çыхăннă тĕслĕх час-часах тĕл пулать. Ку тĕлĕшпе районти пушар надзорĕн сотрудникĕсем тăтăшах асăрхаттараççĕ пулин те çав-çавах çынсем хăрушсăрлăх йĕркисене пăхăнсах пĕтмеççĕ. Акă, çак кунсенче çеç Хирти Пикшикре вĕр çĕнĕ мунчаран пушар тухса чутах çемьене пысăк инкек кăтартман. Кил хуçисем мăрьене кирлĕ пек вырнаçтарманран çулăм йĕри-таврашне ярса илме тытăннă. Юрать-ха, пăтăрмаха вăхăтра сиснĕ. Районта çулталăк пуçланнăранпа 11 пушар пулнă. Иртнĕ çулхи çак вăхăтра вут-кăварпа çыхăннă 9 тĕслĕхе шута илнĕ.