Çак кунсенче районта санитарипе эпидемиологи комиссийĕн ларăвĕ иртрĕ. Унăн ĕçне район администрацийĕн пуçлăхĕ Рудольф Селиванов, ял тăрăхĕсен пуçлăхĕсем, хăш-пĕр организаци-предприяти ертỹçисем хутшăнчĕç.

Кун йĕркине кĕртнĕ тĕп ыйту- коронавирус чирĕнчен сыхланмалли хушма мерăсем, ялсенче санитари требованийĕсене, çỹп-çап пуçтармалли йĕркесене çирĕп пăхăнасси. Çак ыйтусемпе Роспотребнадзорăн Чăваш Республикинчи управленийĕн Патăрьел территори уйрăмĕн начальникĕ Оксана Такмакова, Патăрьелĕнчи тĕп больницăри Антонина Чернова врач-инфекционист, районти «Полигон», «Экоцентр» обществăсен, Патăрьел ял тăрăхĕн представителĕсем тухса каларĕç

. Роспотребнадзорăн Чăваш Республикинчи управленийĕн Патăрьел территори уйрăмĕн начальникĕн çумĕ Светлана Петрянкина «Экологи» наци проекчĕпе килĕшỹллĕн района пахалăхлă шывпа тивĕçтерес ыйтупа ĕçсем еплерех пынипе паллаштарчĕ.

А. НИКОЛАЕВА.