ÇАНТАЛĂК ăшăтса пынă май пахчаçăсем хăйсен çĕр участокĕсенче мĕнле культура акмалли-лартмалли пирки шутлама пуçланă ĕнтĕ. Ку чухне чылай кил хуçи хĕрарăмĕсем çурт умĕнчи пĕчĕк пахчарах тем тĕрлĕ чечек те лартса ỹстерме кăмăллаççĕ. Уйрăм ăстасем урамрах илемлĕ çеçке йăранĕсем тунине те ырламалла. Вĕсемпе иртсе çỹреме те кăмăллă. Анчах çакна та асăрхаттарса хăварасшăн. Сирĕн лаптăкра хăйĕн илемĕпе тыткăнлакан мăкăнь çеçки курăнсанах ăна çийĕнчех кăкласа пăрахма тивĕ. Мĕншĕн тесен вăл наркотик тытăмлă ỹсен-тăран шутланать.