Патшалăх пулăшăвĕсемпе килтен тухмасăрах, электронлă мелпе, усă курма пулать. Çакăн пирки мартăн 30-мĕшĕнче ЧР Цифра аталанăвĕпе информаци политикин тата массăллă коммуникацисен министерстви инçет (дистанци) мелĕпе й.ркелен. брифингра каласа кăтартрĕç.

Мероприятие уçнă май министр çумĕ Юлия Стройкова пирĕн республикăра та коронавирус инфекцийĕ сарăлас хăрушлăха чакарас тĕлĕшпе Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев хушма мерăсем йышăннине аса илтерчĕ. Çынсен урама питех тухса çӳремелле марри пирки чарăнса тăчĕ. Çапах граждансем патшалăх пулăшăвĕсемпе килтен тухмасăрах усă курма пултараççĕ. Çакăн пирки брифингра Пенси фончĕн, Налук службин, Социаллă страховани фончĕн, Ра==ей почтин Чёваш Енри уйрём.сен представител.сем т.пл.н ёнлантарч.=?

«Мартăн 30-мĕшĕнчен пуçласа Пенси фончĕн клиент службисене килес текенсен йышăнăва малтан çырăнмалла. Вилене пытарма паракан пособие палăртассине çеç яланхи йĕркепе пурнăçлатпăр. Чăваш Енре пурăнакансене заявленисене электронлă мелпе çырма, справкăсене, консультацисене инçет мелĕпе илме сĕнетпĕр», — пӗлтерчӗ Раççей Пенси фончĕн Чăваш Енри уйрăмĕн управляющийĕ Роза Кондратьева. Вăл Пенси фончĕн сайтĕнчи гражданинăн харпăр уйрăм кабинетĕнче пенси палăртасси пирки заявлени пама, амăшĕн капиталĕн укçи мĕн чухлĕ юлнине, çавăн пекех социаллă мĕнле тӳлевсем палăртнине пĕлме, кирлĕ документсене закас пама май пуррине каларĕ. Роза Кондратьева апрелĕн 15-мĕшĕнчен памалли пенсисене мартăн 27-мĕшĕнчех кредит организацийĕсене çитерни пирки пĕлтерчĕ.

Федерацин Налук службин Чăваш Республикинчи управленийĕн ертӳçи Марина Петрова çак эрнере налук инспекцийĕсенче налук тӳлекенсене йышăнманнине каларĕ. Предпринимательсем те, юридици сăпачĕсем те, уйрăм çынсем те Налук службин интерактивлă сервисĕсемпе усă курма пултарнине аса илтерчĕ. Паянхи кун çакнашкал 50 сервис. Харпăр уйрăм кабинечĕ урлă ҫынсем килтен тухмасăрах 3-НДФЛ пама, налук уведомленине пичетлеме, налук тӳлеме тата ыттине тума пултараççĕ.

Социаллă страховани фончĕ кӳрекен пулăшусене те килтен тухмасăрах илме май пурри пирки Чăваш Енри уйрăмĕн управляющийĕн çумĕ Михаил Семенов тĕплĕн ăнлантарчĕ. Раççей почтин Чăваш Енри филиалĕн корпоративлă коммуникацисем енĕпе ĕçлекен тĕп специалисчĕ Оксана Иванова пĕтĕм хаçат-журнала почта ĕçченĕсем вулакансем патне вӑхӑтра ҫитерессине çирĕплетрĕ. Вăл çавăн пекех пичет кăларăмĕсене килтен тухмасăрах çырăнма май пуррине аса илтерчĕ, электронлă ытти пулăшу пирки каласа кăтартрĕ.

И. КЛЕМЕНТЬЕВ