Республикинчи Ĕç тата социаллă хỹтлĕх министерствинче ватăсене апат-çимĕçпе, эмелпе тата ыттипе тивĕçтерме, пулăшу парас тĕллевпе «Хĕрỹ лини» телефонĕ ĕçлет: 26-11-11 тата 8-800-201-32-60. Карантин вăхăтĕнче 60 çултан аслăрах çынсен урама, магазинсене тата ытти çĕре тухса çỹреме юраманнине шута илсе районти социаллă хỹтлĕх центрĕ те кашни кунах 8-16 сехетсенче ватăсене хăйсен ыйтăвĕпе тивĕçтерме хатĕр. Пирĕн специалистсенчен дежурство йĕркеленĕ, ыйтусене тивĕçтерме автомашина та хатĕр. Пирĕн «Хĕрỹ лини» телефонĕсем: 61-0-59 тата 62-0-06.

Хисеплĕ хаçат вулаканăмăрсем, аслă çулхи çынсем! Хамăрăн пысăк ăнланулăхпа тата йĕркене çирĕп пăхăнсан çеç коронавирус чирне парăнтарăпăр. Çакна пурин те шута илме тăрăшасчĕ.

А. ВОРОБЬЕВА, районти социаллă хỹтлĕх центрĕн ертỹçи.