ЧĂВАШ Республикинчи муниципаллă районсемпе хула округĕсенчи ЗАГС пайĕсен «2019 çулхи чи лайăх ЗАГС» конкурса пĕтĕмлетнĕ. Ăна Чăваш Енри патшалăх служби çулсеренех йĕркелет. Тупăшу икĕ номинаципе иртнĕ.

Çĕнтерỹçĕсен йышне Патăрьел район администрацийĕн ЗАГС пайĕ (ертỹçи Наталья Емелина) те кĕнĕ. 2019 çулхи пысăк кăтартусемшĕн вăл Чăваш Республикин юстици ĕçĕсен патшалăх службин Хисеп грамотине тивĕçнĕ. Çакна та палăртса хăвармалла. 2017 çулта вĕсем республикăра «Чи лайăх ЗАГС» конкурсра çĕнтернĕччĕ, кăшт маларах вара ĕçтешĕсем хушшинче архив ĕçĕсене лайăх туса пынипе палăрнă.