ÇĔР ĕçченĕшĕн апрель уйăхĕ ака-суха ирттермелли хĕрỹ тапхăр. Çак уйăхрах районта хăйсен çемье савăнăçне пĕрле пайлакансем те сахал мар.

Акă, Пăлаçи Атăкра пурăнакан Илья Владимировичпа Раиса Прокопьевна Пешковсем, Çĕньялти Василий Николаевичпа Мария Егоровна Сулагаевсем, Ыхра Çырминчи Ринас Вагизовичпа Зекия Ахмедулловна Гайфинсем, Сăкăтри Николай Васильевичпа Нина Петровна Волковсем çемье чăмăртани 50 çул çитет. Çĕньялти Иван Аверкиевичпа Елизавета Федотовна Димитриевсене изумруд, Хирти Пикшикри Фазельзян Альтдиновичпа Минсария Хайрулловна Ханзяровсене вара бриллиант туйсемпе саламламалла. Хисеплĕ мăшăрсем пурте район мăнаçлăхĕ, Юхмапа Пăла тăрăхĕн хисеплĕ çыннисем, ĕç паттăрĕсем. Вĕсем кашниех йышлă ача пăхса çитĕнтернĕ, пурне те аслă çул çине кăларнă.