ÇĔРШЫВРА усал чир сарăлсах пынине шута илсе малалла та карантина çирĕп пăхăнма тивет-ха. Йĕркепе ваттисен çеç мар, шкула, ача садне çỹрекенсен те вăхăтлăха çырлахмаллах пулать.

Тутар Сăкăтĕнчи вăтам шкулти педагогсемпе вĕренекенсем çак кунсенче "Килте те усăллă ларатпăр" акци пуçарса янă. Ачасем хăйсем вăхăтне мĕнле ирттерни, ашшĕ-амăшне пахча çимĕç калчисем çитĕнтерме пулăшни, шашка-шахматла выляни, физкультура туни, кĕнекесем вулани, экзаменсене хатĕрленни тата ытти пирки те видеоотчетсем ỹкереççĕ. Вĕренекенсем алă усса çеç лармаççĕ, пĕлĕвне аталантараççĕ, тавракурăмне те аталантараççĕ тата ытти те.