Аннỹне хăварса аçу кайнă фронта,

Тăшманпа çапăçма хаяр вăрçă хирне.

Аçуна юлайман пачах эс курса,

Аннỹ варĕнче юлнăран-çке выртса.

Ача çуралсассăн çиччĕмĕш кунне

Фронтран килсе çитнĕ çыру аннỹне:

"Санăн мăшăру çав хула патĕнче

Паттăрла çапăçса пуçне хучĕ", тесе.

Çĕнтерỹ те, ак çитрĕ: ял-йыш савăнать.

Тантăшсен ашшĕсем вăрçăран таврăнаç.

Шанăçа çухатмасăр эс те кĕтен,

Аçу вилнине-çке сана пĕлтермен.

Ашшĕнчен пил илсе курайман пепкесем

- Çурма тăлăххăн ỹснĕ вăрçă ачисем.

Эсир пурте тивĕç туллин мухтанма

Миршĕн пуçне хунă герой-салтакпа.

Р. НЯГИН. Çĕньял