Коронавирус инфекцийĕ сарăлса пынă май унпа кĕрешес туртăм та çирĕпленсех пырать. Кăчкă уявĕнче чиркÿсене каяссинчен тăхтаса тăма с.нч.=, анчах та халăх çав-çавах пухăннă. Мăнкунта та çавăн пек пуласран асăрханса Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев апрелĕн 14-мĕшĕнче 107-мĕш номерлĕ указ алă пуснă. Тĕпрен илсен, çак документра апрелĕн 3-мĕшĕнче йышăннă хушăва улшăнусем кĕртнĕ.

Унпа килĕшÿллĕн 2020 çулхи апрелĕн 14-мĕшĕнчен тытăнса уйрăм хушуччен Чăваш Енре кĕл тумалли вырăнсенче халăха йышлă пуçтарса тĕн йăли-йĕркисене ирттерме чарнă. Урăхла каласан, çынсен тĕнпе çыхăннă вырăнсене çÿрессинчен тăхтаса тăмалла. Çак зданисене священнослужительсен çеç кĕме юрать.  В.сене Мёнкун к.ллине ирттерме ятарлё пропускпа к.рт.=? Чир-чĕр алхаснă хушăра масарсене те çÿреме юрамасть. Çын пурнăçран уйрăлсан (Турă сыхлатăр та) ăна юлашки çула ăсатма чи çывăх тăванĕсен анчах пуçтарăнмалла.

Республикăра апрелĕн 16-мĕшĕ тĕлне коронавируспа чирленĕ 126 çынна шута илнĕ. Вĕсенчен пĕри – 79 çулхи хĕрарăм - Çĕнĕ Шупашкар хула больницин инфекци уйрăмĕнче сипленекенскер апрелĕн 15-мĕшĕнче вилнĕ. Çавăн пекех иккĕшĕ сывалса тухнă. Хаçата пичете ярас умĕн хăрушă амак Юхмапа Пăла тăрăхне те çитнине пĕлтерчĕç: Тутар Сăкăт ял тăрăхĕнчи пĕр çыннăн анализĕ вăл чирлине çирĕплетнĕ.

А. ИВАНОВ

 Чăваш Республикин пуçлăхĕн тивĕçĕсене вăхăтлăх пурнăçлакан Олег Николаев:

- Шел, çынсем хăйсен тата таврари халăхăн сывлăхне упрас, уншăн хăйсемех яваплă пулнине ăнланса илес туртăм тивĕçлĕ шайра мар-ха. Çавна пула çирĕпрех мерăсем йышăнма тиврĕ.