Пỹлĕмри чечексене çумăр шывĕпе, хĕллехи вăхăтра юр шывĕпе шăварни усăллă. Кактус, сенполи (узамбар фиалки), орхидея ытти черчен чечексене ỹстерекенсем хăйсен "тусĕсене" вĕретнĕ шывпа кăна шăвараççĕ. Калас пулать, çакă усă кỹрет. Хытă шыв, унра известь нумай пулнă пирки чечексене самаях сиен кỹрет. Шыв хытă пулнине чỹлмексен хĕрринче, тăпра сийне шурă тĕс хуп- лама пуçланинчен асăрхама пулать. Çемçетес тесен шыва малтанах (шăварас умĕн кăна мар) темиçе тумлам кислота тумлатма е пĕр витре шыв пуçне 100 грамм торф, е кăштах (литр пуçне 1-2 грамм) минерал удобренийĕ хушма пулать.