ХАЛЬХИ вăхăтра хăйсен тĕп ĕçне канупа çыхăнтаракансем сахал мар. Чылайăшĕ турист маршручĕпе çула тухма та кăмăллать. Шăпах вĕсемшĕн çул çỹреве пуçтарăнма кутамккапа компаса илни çеç çителĕксĕр. Ушкăнпа çула тухакансен пур енĕпе те хатĕр пулмалла: çителĕклĕ апат-çимĕç, эмел таврашĕ, çыхăну хатĕрĕ... Чи кирли те пĕлтерĕшли вара ятарлă маршрута 10 кун маларах районти МЧС службине пĕлтермелле, похода ăçта тата камсемпе, миçе кунлăха кайнине çăлавçăсен шута илмелле. Çакă хăрушсăрлăх йĕркине пăхăннипе те, çухалса каясран сыхă пулмаллипе те, инкек сиксе тухсан (Турă сыхлатăр) пулăшассипе те çыхăннă.