Çул-йĕр инкекĕнчен, çут çанталăка сыхлас, тракторсемпе хăй тĕллĕн çỹрекен машинăпа, прицепсемпе усă курнă чухне хăрушсăрлăхпа тивĕçтерес тĕллевпе республикăра, пĕрлех районта та июнĕн 1-мĕшĕнчен пуçласа 10-мĕшĕччен "Частник" профилактика мероприятийĕ иртет. Çак тапхăрта ятарлă ушкăн шалти ĕçсен министерствин çул-йĕр сотрудникĕсемпе пĕрле ял тăрăхĕсене çитсе "хурçă утсене" тата кăкарса çỹремелли хатĕрсене тĕрĕслет. Вĕсем техникăна патшалăх тĕрĕслевĕ кăларнине, руль умĕнче лараканăн тивĕçлĕ документсем пуррине, экологие вараламаннине, техника хăрушсăрлăхне пăхăннине пăхаççĕ.

И. ВАСИЛЬЕВ, Патшалăх техника надзорĕн районти аслă инспекторĕ