ЕНШИКРИ Мишка çырми урлă выртакан пĕчĕк каçма пирки шкул урамĕнче пурăнакансем кашни çул калаçу хускатаççĕ. Анчах витĕмлĕ сăмах кирлĕ çынсем патне çитмест. Акă, хальхинче те Н. Сурнаева ĕç ветеранĕ юхăннă каçма пирки пăшăрхансах шăнкăравларĕ. Паян çак урамра кашни килĕрен тенĕ евĕр хуларан каникула килнĕ ачасем пурăнаççĕ. Çавăнпа кунта ача-пăча та хур курма пултарать. Аслисем те ĕлĕкех пулнă каçмапа çỹреймеççĕ. Çак сăлтавпах ирхине сĕт паракансем те таçтан аякран çаврăнаççĕ. Яла илем кỹрекен пĕчĕк кĕпере юсама çав тери йывăр-ши?