ÇЫВХАРСА килекен шăматкун православи тĕн йăли-йĕркине пăхăнса пурăнакансемшĕн Питрав типпи вĕçленет. Июлĕн 12-мĕшĕнче Иисус Христосăн 12 вĕренекенĕсенчен чи хастаррисене - Петрпа Павел апостолсене - асăнмалли кун. Çак кунхине çемьешĕн ырлăх тата пурлăх ыйтаççĕ, вĕсемшĕн кĕл тăваççĕ, уява хатĕрленсе çурт-йĕре тасатаççĕ, тутлă çимĕç хатĕрлеççĕ. Вăл шутра сĕтел çинче çырла та пулмалла.

Çакна та палăртса хăвармалла. Петр апостол пулă тытса пурăнни паллă. Тен, çавăнпах-тăр çак кунхинех пулăçсем те хăйсен кунне паллă тăваççĕ. Питрав кунхинех тепĕр праçник те пур - Раççей почта кунĕ.