ÇУЛЛАХИ шăрăх та хĕвеллĕ кунсенче чылайăшĕ шыва кĕрсе уçăлма тăрăшать. Çавăнпа та çакна пурин те шута илмелле. Пĕлмен е шыва кĕме юраман вырăнсенче, кỹлĕ варрине кĕрсе ишмелле мар. Тепĕр чухне эрех-сăра ĕçнĕ хыççăн хастарланса, паттăрланса шыва кĕрекенсем те пур. Теветкеллĕх каллех инкекпе вĕçленме пултарать. Ун пек тĕслĕхсем маларахри çулсенче пирĕн районта та пулнă. Кăçал вара ку таранччен Чăваш Енре шыва путса вунă çыннăн пурнăçĕ вăхăтсăр татăлнă. Пĕчĕк ачасем шыв хĕррине хăйсем тĕллĕн каяссинчен те асăрханмалла. Çуллахи каникул вăхăтĕнче ялсене хуларан ачасем пурăнма килни те аслисен тимлĕхне тата ытларах ỹстерме хистет