Районта выльăх апачĕ хатĕрлесси малалла пырать. Июлĕн 9-мĕшĕ тĕлне районĕпе пĕр çул ỹсекен курăксене 600 гектар е мĕн пур лаптăкăн 40 процентне çулнă.  "Исток" çĕр ĕç фирми, И. Шарафутдинов, Л. Семенов, Р. Санзяпов, С. Халитова фермер хуçалăхĕсенче ку ĕçе вĕçленĕ.

Сенаж 16420 тонна (75 процент) хатĕрленĕ. Ку ĕç "Красное Знамя", "Малалла", "Труд", "Звезда" хуçалăхсенче малалла пырать.

Çанталăк шăрăх та типĕ тăнăран районти ял хуçалăх предприятийĕсемпе фермер хуçалăхĕсем акнă-лартнă культурăсене шăварма пуçларĕç.

 Кĕрхи культурăсене вырма тухиччен вăхăт тата нумай юлмарĕ. Ял хуçалăх предприятийĕсемпе фермер хуçалăхĕсем комбайнсене, кĕлетсене яваплă тапхăра валли хатĕрлеме пуçăннă.