Августăн 10-мĕшĕ тĕлне районта пĕрчĕллĕ тата пăрçа йышши культурăсене 5210 гектар (30 процент) пухса çапнă. Йĕтеме 16925 тонна тырă кĕнĕ. Вăтам тухăç кашни гектартан 33 центнерпа танлашать.

 Уй-хирте 35 комбайн ĕçлет. М. Лаврентьева (Сăкăт) хресчен фермер хуçалăхĕнче вырма ĕçĕсем вĕçленнĕ. Кунта кашни гектартан 52 центнер тыр-пул пухса кĕртнĕ. «Красное Знамя» ял хуçалăх кооперативĕнче, «Корма» çĕр ĕç фирминче, Ф. Чабатов, А. Петров хресчен фермер хуçалăхĕсенче те тĕш-тырă тухăçĕ савăнтарать.

 Кĕрхи культурăсене акма 1960 гектар çĕр хатĕрленĕ. «Звезда», «Хастар» хуçалăхсенче çĕртме сухи тăваççĕ.