ЧР Пуçлăхĕн тивĕçĕсене вăхăтлăх пурнăçлакан Олег Николаев республикăра сентябрьте иртекен суйлава сăнаса тăракан пĕрлехи центр туса хума сĕнни пирки «Авангард» хаçатăн иртнĕ номерĕнче пĕлтернĕччĕ ĕнтĕ. Çак кунсенче шăпах ЧР Общество палатин членĕсем çак пуçарăва сÿтсе явнă.

Ларура палăртнă тăрăх, кăçалхи суйлав виçĕ кун иртнĕрен тата Чăваш Ен Пуçлăхĕн должноçне йышăнас текенсем хушшинче хĕрӳ тупăшу пулассине туйса тăнăран сăнав центрĕ питех те кирлĕ. Унта сасăлавпа çыхăннă мĕн пур информаци, çак шутра суйлава мĕнле хатĕрленни те, йĕркене пăснине пĕлтерни те, пырса тăрĕ. Общество хастарĕсен шухăшĕпе, çапла майпа суйлава уççăн тата тĕрĕс йĕркелесе ирттерме май килĕ. Общество сăнавĕн штабне (палата членĕсем çĕнĕ тытӑма çапла ят пама йышăннă) йĕркелессине ЧР Общество палати хăй çине илĕ. Унăн йышне тĕрлĕ организаци, политика партийĕсен, Чёваш Республикин Пуçлăхĕн кандидачĕсен представителĕсем кĕме пултараççĕ.

А. ИВАНО