Çак кунсенче район администрацийĕн пуçлăхĕ Рудольф Селиванов ертсе пынипе район администрацийĕн структура подразделенийĕсен ертỹçисемпе тата ял тăрăхĕсен пуçлăхĕсемпе канашлу иртнĕ. Унта района 2020 - 2025 çулсенче аталантармалли программăна сỹтсе явнă.

Кун йĕркинчи тĕп ыйтупа район администрацийĕн пуçлăхĕн çумĕ – экономика, ял хуçалăх, çĕр тата пурлăх хутшăнăвĕсен пай пуçлăхĕ Виктор Львов, район администрацийĕн пуçлăхĕн çумĕ - строительство тата обществăлла инфратытăм аталану пайĕн начальникĕ Равиль Ямалетдинов, район администрацийĕн вĕрентỹ, çамрăксен политики, физкультура тата спорт управленийĕн начальникĕн тивĕçĕсене вăхăтлăх пурнăçлакан Николай Анисимов, район администрацийĕн социаллă аталану, туризм тата вырăнти хăй тытăмлăх органĕсемпе ĕçлекен пай пуçлăхĕ Наталия Никитина, Патăрьелĕнчи тĕп больницăн тĕп тухтăрĕ Николай Тинюков тухса калаçнă.

Канашлурах пуçару бюджечĕпе обществăлла инфратытăма аталантармалли проектсене пурнăçа кĕртес ыйтăва та хускатнă.

Сентябрьте иртекен суйлав тапхăрне мĕнле хатĕрленнĕ пирки Патăрьел территори суйлав комиссийĕн председателĕ Наталья Емелина каласа панă. Канашлура ытти ыйтусене те сỹтсе явнă.

(Хамăр корр.)