КОРОНАВИРУС инфекцийĕ халăх хушшинче çĕнелсе ан сарăлтăр тесе юлашки вăхăтра чылай йĕркене çивĕчлетрĕç. Вăл шутра кафесенче туйсем ирттерессине те, Чăваш Республикинчи ЗАГС органĕн çăмăллăхĕпе усă курассине тата ыттине те. Район администрацийĕн ЗАГС пайĕн ертỹçи Наталья Емелина хаçат редакцине пĕлтернĕ тăрăх малашне çак сăлтавпа нимĕнле ĕç те чарăнса тăмасть. Вăл шутра çемье çавăрас текенсем те маларах заявленисем парса çырăнма пултараççĕ. Анчах çырăнтару вăхăтĕнче пỹлĕмре кашни 4 тăваткал метрта 1 çын çеç пулмалла, пĕтĕмĕшле 20 çынтан ытлашши мар. Енчен те çак услови мăшăрланакансене тивĕçтермесен çырăнтарăва каярах куçарма та май пур. Йĕрке никамăн кăмăлне те ан пăстăр. Вăл пандеми хăрушлăхне сирес тĕллевпе çыхăннă.