Раççейĕн пĕчĕк ачисем çырав пирки мĕн шутлаççĕ тата ăна мĕнле ăнланаççĕ? Ку ыйтăва вĕсем кĕçех хуравлĕç. Раççей статистики ачасен Пĕтĕм Раççейри çырава халалланă ỹкерчĕкĕсен конкурсне пуçлать.
Конкурса 7 çултан пуçласа 12 çула çитнĕ ачасем хутшăнма пултараççĕ. Вĕсен тĕп тĕллевĕ - ỹкерчĕксенче хамăрăн çĕршыва кăтартасси, паллах, çырав мĕнле иртнине çутатасси. Тĕслĕхрен, çемье çырава хутшăннине, çыравçăсем килсене çỹренине е патшалăх пулăшăвĕсен порталĕпе усă курса çынсем кашни харпăр хăй электронлă листасене тултарнине сăнлама пулать.
Унсăр пуçне харпăр хăй пурăнакан хулапа яла, поселока, унти паллă вырăнсене ỹкерме юрать. Вĕсем çинче çыравăн эмблеми - ВиПиН талисман пулмалла.
Конкурса хутшăнас тесен https://www.strana2020.ru сайтра регистрациленмелле, телефон номерне кăтартмалла, унпа тупăшăва хутшăнма пултарни пирки хыпарлаççĕ.
Конкурс ĕçĕсене тĕрлĕ сăрăпа е кăранташпа пурнăçламалла, ỹкерсе илмелле е сканер витĕр кăлармалла, инстаграмм тытăма кăларса хумалла, аккаунта @stranaĕru тата #эпĕ çырава ỹкеретĕп хештегпа паллă тумалла. Çакна асăрхаттаратпăр: аккаунт пуриншĕн те уçă пулмалла. Хештег тăрăх кашнин ĕçĕпе паллашма тата хак пама май пур.
Ỹкерчĕксене 2021 çулхи мартăн 1-мĕшĕччен кашнин хăйĕн страницине вырнаçтармалла.
Çĕнтерỹçĕсене икĕ тапхăрпа палăртаççĕ. Пĕрремĕшĕ, 2021 çулхи мартăн 3-15-мĕшĕсенче сасăлав иртет. Ун чухне кашниех "килĕшет" ("лайк") паллă лартса хăйне кăмăла каякан ỹкерчĕке палăртать. Ун хыççăн жюри членĕсем хаклама пуçлаççĕ. Вĕсен йышĕнче Раççей статистикин, конкурсăн оргкомитечĕн, "Комсомольская правда" издательство çурчĕн ĕçченĕсем, пултарулăх çыннисем (фотограф, дизайнер, ỹнерçĕ).
Конкурс пĕтĕмлетĕвĕсене Пĕтĕм Раççейри халăх çыравĕн сайтĕнче вырнаçтараççĕ. Çавăн пекех "Комсомольская правда" издательство çурчĕн сайтĕнче, çыравăн социаллă тытăмĕнчи страницисенче тупма пулать.
https://www.facebook.com/strana2020,
https://www.instagram.com/strana2020.
Пĕтĕм Раççейри халăх çыравĕ 2021 çулхи апрелĕн 1-мĕшĕнчен пуçласа 30-мĕшĕччен цифра технологийĕсемпе усă курса иртет. Чăвашстат.
Ноябрь 2024 |
