Паттăрлăх çинчен фильм ỹкереççĕ

Декабрĕн 2-мĕшĕнче Сăр тата Хусан хỹтĕлев чиккисене тунă çĕрте паттăрлăх кăтартнисене халалласа 25 минут пыракан "Сăрпа Хусан хỹтĕлев чиккин паттăрĕсем" ятпа документлă фильм ỹкерессипе конкурс пуçланни пирки пĕлтернĕ. Ĕçсене декабрĕн 18-мĕшĕччен йышăнаççĕ. Конкурса хутшăнма кăмăл тăвакансен фильмĕсем çак тĕп критерисене пĕрне пăхăнмалла - Сăр тата Хусан хỹтĕлев чиккисене тунă çĕрте вăй хунисен паттăрлăхне чăн пурнăçра мĕнле пулнă, çавăн пек кăтартмалла. Çавăн пекех конкурса хутшăнакансен федераци шайĕнче палăрнă видеофильмсем ỹкерсе кăларассипе пысăк опыт пулмалла. Аса илтеретпĕр, Чăваш Республикин Пуçлăхĕн указĕпе килĕшỹллĕн 2021 çула Сăр тата Хусан хỹтĕлев чиккисене тăвакансен ĕç паттăрлăхĕн çулталăкĕ тесе пĕлтернĕ.

Чăваш чĕлхине аталантарма 28 миллион тенкĕ уйăрĕç

ЧР Министрсен Кабинечĕ юнкун пĕрремĕш вице-премьерĕ - финанс министрĕ Михаил Ноздряков ертсе пынипе иртнĕ черетлĕ ларура пĕр саккун проектне, патшалăх программисемпе Правительство йышăвĕсене улшăнусем кĕртессине ырланă. Патшалăхăн "Культурăна тата туризма аталантарасси" программине улшăнусем кĕртесси çинчен культура министрĕ Светлана Каликова каласа панă. Сăмах тĕпрен илсен хайхи программăн культурăна халалланă çумпрограммин чăваш чĕлхине аталантарассипе çыхăннă пайĕ тавра пынă. Чĕлхене вĕрентмелли тытăма лайăхлатасси, чăваш чĕлхипе усă курассине анлăлатасси тата ытти те - чăннипех ырă тĕллевсем. Çак ĕçсене пурнăçламашкăн 28 миллион тенкĕ уйăрассине палăртнă. Пайăр мерăсем пирки калас тăк - Светлана Анатольевна шучĕпе, ачасене пĕчĕккĕллех, садик çулĕсенчен тытăнса тăван чĕлхене ăша хывмалли майсем туса пани пысăк пĕлтерĕшлĕ. Çакăн валли тĕрлĕ мелпе усă курмалла - пĕчĕккисем валли чăвашла мультфильмсем ỹкересси таранах. Улшăнусем пурри вара халех палăрать. Калăпăр, чăваш кĕнекисем библиотекăсене таврăнаççĕ. Çакăн валли бюджетран 2014 çултанпа укçа уйăрман пулнă.

Васкавлă пулăшу машинисем парĕç

 Раççей Правительстви Чăваш Енри васкавлă медпулăшу паркне çĕнетме пулăшĕ. ТАСС пĕлтернĕ тăрăх, Киров, Псков, Тула облаçĕ- сенчи, Чăваш Енри тата Краснодар крайĕнчи парксене çĕнетме 180 машина ытла уйăрĕç. медицина пропаганда ох-ны труда Прививка хỹтĕлет Коронавирус инфекцийĕнчен хỹтĕлекен чи лайăх мел вăл - прививка. Çак кунсенче Чăваш Ене те вакцинăн иккĕмĕш партийĕ - 1012 доза - килсе çитмелле. ЧР сывлăх сыхлавĕн министрĕн пĕрремĕш çумĕн тивĕçĕсене пурнăçлакан Алексей Кизилов пĕлтернĕ тăрăх, прививкăна чи малтан медиксене, педагогсене, социаллă ĕçченсене тăвĕç, ыттисене 2021 çулхи январьте тума пуçлĕç. Вакцинăсем чи малтан Шупашкарти, Çĕнĕ Шупашкарти, Улатăрти, Канашри, Çĕмĕрлери, Етĕрнери 11 медучреждение çитĕç.

Хăмла лаптăкĕ ỹсет

Çывăх вăхăтра республикăра хăмла лаптăкĕсем палăрмаллах пысăкланмалла. Çакă отрасле патшалăх енчен пулăшасси вăйланнипе те çыхăннă. Хальхи вăхăтра республикăра хăмла туса илессипе пилĕк хуçалăх ĕçлет. Юлашки виçĕ çулта 56 гектарта хăмла хунавне лартса хăварнă, çак культурăна татмалли комбайн хута янă, чĕр тавара тирпейлессине йĕркеленĕ. Кăçал Етĕрне районĕнче хăмла пахчине сарассипе çине тăрса ĕçлеме пикеннĕ. Малашне кунта вăл 40 гектара çитмелле.