Пурнăç малалла шăвать пулин те инкек-синкекĕ тупăнсах тăрать. Çуркунне шыв-шур илсе пурлăха юрăхсăра кăларма пăхать. Кĕркунне выльăхсем кỹпĕнесрен сехре хăпать. Çуллахи вăхăтра вут-кăвар сехĕрлентерет. Хĕлле çул-йĕр пăрлакран аварисем пулаççĕ тата ытти те. Темле сыхлансан та асăрханса пĕтерейместĕн. Кун пек чухне страхланни пулăшать. "Югория" страхлакан компани пирĕн районта çулталăк ытла ĕçлет ĕнтĕ. Мĕнле çăмăллăхсем пур-ха вĕсен? Ыйтусен хуравĕсене тупас тĕллевпе Патăрьелĕнчи агентство директорĕпе Наталия Ялуковăпа сăмах пуçартăмăр. Аяларах çав калаçăва пичетлетпĕр.

 - Наталия Ивановна, компани ĕçĕ-хĕлĕпе, пурнăçĕпе хаçат вулакансене тĕплĕнрех паллаштарсамăр.

- "Югория" страхлакан компани Раççей рынокĕнче ĕçлеме пуçлани кăçалхи ноябрь уйăхĕнче 23 çул çитрĕ. Унăн страховани тивĕçтерĕвĕсем анлă. Компани Раççей Федерацийĕн 65 регионĕнче - Калининградран пуçласа Владивосток таранччен - тухăçлă тăрăшать. 146 филиалпа 300 ытла агенствăна пĕрлештерсе тăрать. 2019 çулта Чăваш Енре те унăн филиалĕ уçăлчĕ. Чи малтан Патăрьелсем кăмăлларĕç страхлакан компанине. Халĕ республикăн кашни районĕнчех представительсем ĕçлеççĕ.

 - Йышăр пысăк-и сирĕн?

- 20 çын ытла. Кашни ял тăрăхĕнчех пирĕн агент пур. Кĕске хушăрах халăх пирĕн тивĕçтерỹсене йышăнчĕ, шанăçпа çыхăнăва кĕчĕ. Агентсен ăсталăхĕ пысăк. Вĕсем ĕçе вăхăтра туса пыраççĕ. Инкек тỹсекенсене укçа-тенкĕ тавăрса парасси те ĕçпе çирĕпленет. Сăмаха çилпе вĕçтермеççĕ.

- Компани яваплăха туйни ытти çĕрте те курăмлă сисĕннине палăртас килет.

- Ăмăртусем ирттернĕ чухне пулăшма тăрăшатпăр. Районти çамрăксен "Олимп" хоккей клубĕн пĕрлештернĕ командине июль уйăхĕнче Санкт-Петербург хулине тренировкăна кайма хỹтлĕхе илнĕччĕ.

 - Мĕнпе хăпартланатăр-ха эсир? Хăш çитĕнĕвĕрсем савăнтараççĕ?

 - "Югория" - Раççейри страховани рынокĕнче малта пыракансенчен пĕри. Унăн ĕçне сумлă премисемпе хакланă. Пирĕн çитĕнỹ вара - рейтинг ỹсни, клиентсен йышĕ хушăнса пыни.

Страхлакан компанисен рейтингне тытса пыракан агентстви (АСН-Агентство страховых новостей) хыпарсемпе паллаштарнă май клиентсен сĕнĕвĕсене те пичетлесех тăрать. "Югория" компани страхлакан компанисен хушшинче "Халăх суйлакан рейтинг" уйрăмра малти виçĕ вырăнтан юлашки çулсенче анса курман. Пире кирек хăш социаллă сетьре те тупма пулать.

"Югория" час-часах социаллă сетьсенче конкурссем ирттерет. Ку хутĕнче "В контактере" йĕркеленĕччĕ. Çакна палăртма кăмăллă. Унта пирĕн клиент, Аслă Чемен ялĕнче пурăнакан В. Капитонов çĕнтерчĕ. Кăмăллă-çке. Çул çỹрев пуххин парнипе офиса чĕнсех чысларăмăр.

- Час-часах пĕр страховани компанийĕ ыттисенчен мĕнле уйрăлса тăнипе интересленекенсене тĕл пулма пулать.

- Страховани хатарлăхĕпе, тарифĕпе ĕнтĕ. Пурăнмалли çурта, мунчана, хуралтăсене, ыттисене мĕнле страхлассине клиент хăйех суйласа илме пултарать. Агентсем пурлăха мĕнле хỹтлĕхе илсен лайăхрах пулнине каласа ăнлантараççех. Тепĕр лайăх ен те пур. Çул-йĕр çинче инкек пулнă-и, пушар тухнă-и, шыв-шур сиен кỹнĕ-и - тăкак мĕн чухлĕ пулнине вырăнтах палăртма пулать. Таçта аякка кайса çỹресси çук. Ыйтусемпе пирĕн пата çеç тухмалла. Офис Патăрьелĕнчи Матросов урамĕнче 8-мĕш çуртра (ВДПО çурчĕ) вырнаçнă. Телефонсем: 8-991-465-09-59 тата 6-16-98. (Лицензии ЦБ РФ: СЛ 3211, СИ 3211, ОС 3211-03, 3211-05, 26.08.2019). Килĕр, кĕрсе тухăр, эпир сирĕнпе çыхăну тытма яланах хавас.

 - Çĕнĕ çул умĕн хаçат вулакансене мĕн сĕннĕ пулăттăр?

- Район халăхне çирĕп сывлăх, ăнăçусем, пуçланă ĕçĕрте çитĕнỹсем сунатăп. "Югория" компание шанса хăвăрăн пурлăхăра, пурнăçăра страхланăшăн тавах. Ыттисене те пирĕн пата çул хывма сĕнетпĕр.

А. АСТРАХАНЦЕВА калаçнă.