РАЙОНТИ "Авангард" хаçатра та, район администрацийĕн сайтĕнче те кăçал Юхмапа Пăла тăрăхĕнче "#новогоднеенастроение2021" конкурс старт илни пирки пĕлтернĕччĕ. Тĕрлĕрен çутăпа ăсталаса капăрлатакан тупăшăва район центрĕнчи организаци-предприяти, уйрăм граждансем, патшалăх çуртĕнче пурăнакансем тата ыттисем çеç мар, ялсенче пурăнакансем те Çĕнĕ çул кăмăлне уçакан сюжетсем хатĕрлесе хутшăнма пултараççĕ. Шел пулин те хальлĕхе ял тăрăхĕсенче çак ыйтупа хастарлăх кăтартни сисĕнмест-ха. Хăш-пĕр ялта Çĕнĕ çул çитнин палли те çук. Хĕл Мучи Патăрьелне çеç çитет теççĕ-ши?